Ajo Pitbull
Penulis: Tatang Sumarsono
Kategori: Non Fiksi
Ajo Pitbul, saksi réformasi ti dunya underdog. Ajo ngaranna. Akina pajuang révolusi 1945. Bapana gugur di Timor.
Ajo kapangpéngkeun ka dunya préman ku pangaruh pergaulan. Tina ukur jadi usung-ésang, karir Ajo nérékél, lantaran kaludeungna, tepi ka dina hiji mangsa mah mampuh ngaragragkeun gegedug nu pangluhurna.
Ajo nangtungkeun bandéra.
Dina gederna réformasi, Ajo sabatur- batur milu palid kana euforia pulitik, anu saenyana mah ukur dimangpaatkeun pihak séjén, duméh manéhna loba balad, tur gedé pangaruh di lingkungan masarakat kelas handap. Dina dunya pulitik, tétéla loba intrik. Éta nu kudu disanghareupan ku Ajo, kaasup waktu anak buahna patelak alatan parebut hancengan nu patali jeung kakawasaan.